Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

Pep Guardiola និយាយពីគោលដៅក្លិបបន្ទាប់របស់កីឡាករ Sergio Aguero

  • ចុះផ្សាយថ្ងៃទី២៤ ខែឧសភា ឆ្នាំ២០២១ ម៉ោង ១១:២៣ នាទី ដោយ កីឡា
  • 528
  Aa |   aA

អង់គ្លេស​​៖ ជាថ្ងៃដែលសប្បាយរីករាយក្នុងការអបអរការឈ្នះពាន English Premier League ក៏ជាថ្ងៃដែលសោកស្តាយសម្រាប់អ្នកគាំទ្ររបស់ Manchester City ត្រូវលាខ្សែប្រយុទ្ធអាហ្សង់ទីន Sergio Aguero បន្ទាប់ពីកីឡាកររូបនេះបានចំណាយពេល ១០ ឆ្នាំនៅទឹកដីអង់គ្លេស និងបានរួមចំំណែកយ៉ាងធំធេងជួយក្លិបឈ្នះពាន English Premier League ៥ លើក ឈ្នះពាន FA Cup មួយលើក League Cup ៣ លើក និង Community Shield ៣ លើក។

ក្រោយបញ្ចប់ការប្រកួតទល់នឹង Everton យប់មិញ អនាគតរបស់ខ្សែប្រយុទ្ធវ័យ ៣២ ឆ្នាំរូបនេះត្រូវបានអ្នកចាត់ការ Pep Guardiola បង្ហើបថា គេនឹងផ្ទេរទៅកាន់ទឹកដីអេស្ប៉ាញជាមួយ​ FC Barcelona ឆាប់ៗនេះ ហើយអតីតអ្នកចាត់ការរូបនេះក៏បាននិយាយទាំងសប្បាយចិត្តទៀតថា Aguero នឹងត្រូវចាប់ដៃគូជាមួយកីឡាករល្អជាងគេបំផុតលើលោកគឺ Lionel Messi។

មុនការចាកចេញពីទឹកដីអង់គ្លេស Sergio Aguero បានស៊ុតបញ្ចូលទី ២ គ្រាប់ក្នុងជ័យជំនះ ៥-០ លើ Everton មុនបិទរដូវកាលដែលជាគ្រាប់ទី ១៨៤ នៅ Premier League ជាមួយ Manchester City និងបានយកឈ្នះស្ថិតិរបស់ Wayne Rooney ដែលស៊ុតបាន ១៨៣ គ្រាប់អោយ Manchester United ក្លាយជាកីឡាករដែលស៊ុតបញ្ចូលទីក្នុងក្លិបតែមួយបានច្រើនគ្រាប់ជាងគេបំផុតនៅអង់គ្លេស។

រូបសំណាករបស់ Sergio Aguero នឹងត្រូវសង់ឡើងនៅកីឡដ្ឋាន Etihad ក្នុងនាមជាវិរៈបុរសរបស់ក្លិបម្នាក់ ជាពិសេសរូបភាពដែលមិនអាចបំភ្លេចបានគឺនៅពេលអតីតខ្សែប្រយុទ្ធ Atletico Madrid រូបនេះស៊ុតគ្រាប់ជ័យជំនះនៅនាទីទី ៩៣:២០ កាលពីឆ្នាំ ២០១១ លើកពានលីគកំពូលអង់គ្លេសលើកដំបូងតាំងពីឆ្នាំ ១៩៦៨ និងជាពាន English Premier League លើកដំបូង៕




ព័ត៌មានជាច្រើនទៀតសម្រាប់អ្នក